ግዴታዊ ዳግማይ ክንጥቀመሉ ንኽእል መዐሸጊን ኣማራጺታትን
ካብ መጀመርታ ናይዚ ዓመት ጀሚሩ፡ ቤት መግብን መስተን፣ ሒዝካዮ ትኸዪድ መግቢ ዝሸጣ ትካላት፡ ብዘይካ ሓደ ግዜ ምስ ተጠቀምካሉ ዝድርበ መዐሸጊ፣ ከምኡ እውን ዳግማይ ክትጥቀመሉ ትኽእል መዐሸጊ ከቕርባ ተገዲደን እየን።
ይኹን እምበር ክሳብ ሕጂ እቲ ኣተገባብራ ዳርጋ ቁጽጽር የብሉን፣ ከምኡ እውን እተን ትካላት ዝተፈላለዩ ዳግማይ ክጥቀመሉ ትኽእል ሥርዓተ መዐሸጊ ስለዘቕርባ ድማ ጸገም የስዕብ። ብፍላይ ኣብተን እንተበዝሐ ሓሙሽተ ሰራሕተኛታት ዘለወን ንኣሽቱ ድኳናት ይምልከት። ኣብኡ ብተወሳኺ ዓማዊል ኣብ ናይ ገዛእ ርእሶም መዕሸጊ ክመልኡ ዕድል ክወሃቦም ኣለዎ።
ዓማዊል ክጥቀሙሎም ድዮም ኣይጥቀሙን ባዕሎም እዮም ዝውስኑ። እንተኾነ ግን ብሰንኪ ልዑል ጠለብ “ክኸይድ” ዝብል መግብን መስተታትን ካብኡ ዝመጽእ ጽልዋ ከባቢን ናብ ዳግማይ ክጥቀሙሉ ዝኽእሉ መትሓዚታት ምቕያር ዋጋ ኣለዎ። ሓደ ግዜ ዝድርበ ፕላስቲክ መትሓዚታት ካብ ዓጽሚ ጥረ ነገራት ንምፍራይ ኃይሊ ዝሓትት ኮይኑ፡ ድሕሪ ኣዝዩ ሓጺር ግዜ ምጥቃም እንደገና ይድርበ።
ብተወሳኺ፡ ሓደ ግዜ ተጠቂምካ ዝድርበ መዐሸጊ መብዛሕትኡ ግዜ ናብቲ መግቢ ክሓልፍ ዝኽእልን ድሮ ኣብ እዋን ምፍራይ ንኣከባቢ ዝጎድእን ብከላታት ዝሓዘ እዩ። እዚ ድማ ካብ ካርቶን ወይ ወረቐት ዝተሰርሐ መዐሸጊ እውን የጠቓልል፣ እዚ ድማ ብፍሎሮ ኬሚካላት ማይን ቅብኣትን ዝፃረ ይስራሕ፣ እዚ ድማ PFAS ዝበሃል እዩ። ይኹን እምበር እዞም ፍሎሮ ኬሚካላት ዘይበታተኑ ኮይኖም ኣብ ከባቢ ከም “ዘልዓለማዊ መርዛማት” ኮይኖም ክጸንሑ ይኽእሉ። ብዙሓት ካብዞም ልዕሊ 4700 ዝተፈላለዩ ንጥረ ነገራት ንጥዕና እውን ጎዳእቲ ኮይኖም ኣብ ኣካላት ወዲ ሰብ ክእከቡ ይኽእሉ። ብተወሳኺ እዞም ኬሚካላት፣ ኣብ ብቃንጫ ሽኮር ካብ ዝተሰርሑ ሓደ ግዜ ተጠቂምካ ዝድርበዪ ኣቑሑት እውን ተረኺቡ እዮ። እዚኦም ድማ ከም ድኹዒ ክኾኑ ይኽእሉ እዮም ተባሂሉ እዩ።
ስለዚ፡ ዳግማይ ክትጥቀመሉ እትኽእል መትሓዚ ሸሓኒ፣ ዝምለስ ይኹን ወይ ባዕልኻ ዘምጻእካዮ፡ ኩሉ ግዜ እቲ ዝሓሸ ምርጫ እዩ። "እንተተኻኢሉ ካብ ዘይምርት ሓጺን ፣ ካብ ጥርሙዝ ወይ ድማ ፕላስቲክ ዝተሰርሑ፣ ናይ ገዛእ ርእስኹም መትሓዚታት ተጠቐሙ" ትመክር ክርስቲያን ኣስካሪ ካብ ማእከል ምኽሪ ተጠቀምቲ ዴ.ሃ.ቤ (DHB) ኣብ ሊምቡርግ። ፕላስቲክ ፣ ንመግቢ ዝምችእን ዝኾነ ጎዳኢ ንጥረ ነገራት ዘየልሕቕን እንተኾይኑ ብመሰረቱ ሕማቕ ኣይኮነን። እዚ ንኣብነት ኣብ ፖሊኢቲሊን (PE) ወይ ፖሊፕሮፒሊን (PP) ዝረአ እዩ።
ተወሳኺ ሓበሬታ ካብ ኣገልግሎት ምኽሪ ተጠቀምቲ DHB ወይ ካብዞም ዝስዕቡ ምንጭታት ክትረኽቡ ትኽእሉ ኢኹም:-
https://www.bund.net/
https://www.